مکن کوکو کپوت چوشیں

مکن کوکو کپوت چوشیں. 

چیا سوچ ئے  دلٰ  ریشیں.

مگیج منا ترانگاں  پیشیں.

غماں چہ زیادہ و  گیشیں.

اگاں کوکو کن ئے چوشیں.

منا کموک  شراب  نوشیں.

شـاعـر آسـکانی بلـوچ وتیں

دُرجین دپ ؤ کنڈین زنوک

منجو  سر إیں گُل ماہ نوک
دوست ئے منا چمانی روک

دُرجین دپ ؤ کنڈین زنوک
مُروارد إیں تئ دنتاں تپوک

چم کنجل إیں چماں جنوک
برواں چو سیاہ مارا دجوک

زخم این  دلِ  درداں  بروک
دست نازُکیں درمان کنوک

من چون نباں أرساں شلوک
دل مئ  غماں گرانیں دروک

دل  مانگاں  ھنچوش  گنوگ
 مہرنگ مہر ؤ محبتٰ بموک


شـاعـر آسـکانی بلوچ وتیں